पुणे (पुणे २४ तास ब्युरो): वृद्ध महिलेच्या गळ्यातील मंगळसूत्र हिसकावून चोरून नेणाऱ्या चोरट्यास विश्रांतवाडी पोलिसांना चोवीस तासाच्या आतमध्ये अटक करण्यात यश आले असून त्याच्याकडून जवळपास एक लाख तीस हजार रुपयांचा मुद्देमाल जप्त करण्यात पोलिसांना यश आले आहे.
याप्रकरणी आदित्य भैरवनाथ उकिरडे(वय२४ वर्षे, रां.स.न.१२,प्रेमळ दत्त मंदिरजवळ, भैरवनगर,धानोरी) असे अटक करण्यात आलेल्या चोरट्यांचे नाव आहे.पोलिसांनी दिलेल्या माहितीनुसार दोन दिवसापूर्वी धानोरी भागातून एक वृद्ध महिला पायी जात असताना अज्ञात चोरट्याने तिच्या गळ्यातील २०ग्रॅम सोन्याचे मंगळसूत्र हिसकावून अज्ञात चोरट्याने चोरून नेल्याची माहिती विश्रांतवाडी पोलीस ठाण्याचे तपास पथकातील पोलीस उपनिरीक्षक नितीन राठोड,पो.हवालदार अमजद शेख व आदी तपास पथकातील कर्मचाऱ्यांना मिळताच घटना घडल्यानंतर चोवीस तासाच्या आतमध्ये चोरट्यास ८०हजार रुपये किमतीचे २०ग्रॅम सोन्याचे मंगळसूत्र व घटनेमध्ये वापरलेली असा एक लाख तीस हजार रुपये किमतीचा मुद्देमाल जप्त करण्यात यश आले आहे.
ही कामगिरी पुणे शहर पूर्व विभागाचे अप्पर पोलीस आयुक्त मनोज पाटील,परिमंडळ ४चे पोलीस उपायुक्त हिंमत जाधव,खडकी विभागाचे सहाय्यक पोलीस आयुक्त विठ्ठल दबडे,विश्रांतवाडी पोलीस ठाण्याच्या वरिष्ठ पोलीस निरीक्षक कांचन जाधव,गुन्हे शाखेचे पोलिस निरीक्षक मंगेश हांडे यांच्या मार्गदर्शनाखाली तपास पथकाचे पोलीस उपनिरीक्षक नितीन राठोड,पोलीस अंमलदार बबन वणवे,यशवंत किर्वे, कृष्णा माचरे,अमजद शेख,वामन सावंत,संजय बादरे,संपत भोसले, संदिप देवकाते,अक्षय चपटे,किशोर भुसारे या पथकाने केली असून केलेल्या कामगिरीमुळे वरिष्ठ अधिकाऱ्यांकडून या पथकाचे अभिनंदन करण्यात आले आहे.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
