पुणे 24 तास:- मुंढवा येथील शासकीय मालकीची ४० एकर जमीन खरेदी प्रकरणात उपमुख्यमंत्री अजित पवार यांचे चिरंजीव पार्थ पवार भागीदार असलेल्या अमेडिया एंटरप्रायझेस एलएलपी कंपनीला आता खरेदी करार रद्द करण्यासाठी तब्बल 42 कोटी रुपये भरावे लागणार आहे. नोंदणी व मुद्रांक शुल्क विभागाने नव्याने बजावलेल्या या नोटीसीमध्ये ही बाब नमूद करण्यात आली आहे. खरेदी दस्त नोंदविताना मुद्रांक शुल्काचे बुडविलेले 21 कोटी तर दस्त रद्द करण्यापोटी मोबदल्यावर 7 टक्के त्याचेही 21 कोटी रुपये असे एकूण 42 कोटी रुपये भरण्याची नोटीस नोंदणी व मुद्रांक शुल्क विभागाने बजावली आहे.
हवेली क्रमांक 4 चे प्रभारी सह दुय्यम निबंधकए.पी. फुलोखरे यांनी दिलेल्या नोटीसीनुसार अमेडिया कंपनीचे भागीदार दिग्विजय अमरसिंह पाटील यांना हे पत्र दिले आहे. पत्रात दोन महत्त्वाचे मुद्दे स्पष्ट करण्यात आले आहेत. त्यानुसार अमेडिया कंपनीने दस्त नोंदविताना डेटा सेंटर उभारण्याचा दावा करून मुद्रांक शुल्कातून माफी घेतली. तर आता हा व्यवहार रद्द करणार असल्याचे कंपनीने नोंदणी विभागाला पत्र दिले. त्यानुसार बुडविलेले सात टक्के इतके मुद्रांक शुल्क तसेच व्यवहार रद्द करण्यासाठी मोबदल्याची रक्कम अथवा मिळकतीचे बाजारमूल्य यापैकी जास्त रकमेवर पुन्हा एकूण सात टक्के इतके मुद्रांक शुल्क भरणे आवश्यक आहे. तसेच बुडविलेल्या रकमेवर महिना एक टक्का दंड अशी सुमारे 42 कोटींपेक्षा अधिक रक्कम भरावी लागणार आहे.
महाराष्ट्राच्या मनातील मराठी न्यूज चॅनेल. खऱ्या बातम्या, निष्पक्ष विश्लेषण आणि जनसामान्यांचे प्रश्न मांडणारे विश्वसनीय व्यासपीठ.
बातम्या व जाहिरातीसाठी संपर्क:
संपादक : – मोहिनी मोहिते
Whatsapp:- 7972087808
Youtube, instagram आणि facebook सह
